@yazed.mousa: في رجال… مهما كانت شريكتهم نقيّة، صادقة، ومخلصة… بيضلوا يحطوها تحت المِجهر. بيختبروها كل يوم بطريقة جديدة، بيشكّوا بكلمة، بحركة، بنظرة. مش لأنها غلطت… ولا لأنها ما كانت قد الثقة. لكن لأنه هو، جوا قلبه نقص… نقص بالأمان، نقص بالثقة، نقص بالشعور بالقيمة. الرجل اللي بيضل يختبر شريكته هو رجل مش واثق بنفسه، مش مرتاح مع ذاته. حتى لو كانت شريكته “ملاك”، راح يضل يشوف فيها شي ناقص، لأنه هو من جوّا ناقص. الخلل مش فيها… الخلل فيه. في جروحه اللي ما شفاها، وفي طفولته اللي ما صالحها، وفي رجولته اللي بيثبتها عن طريق التسلّط مش عن طريق الحب. إذا كنتِ بتمرّي بهيك علاقة، تذكّري: مش مطلوب منك تثبتي كل يوم إنك وفيّة، ومش واجبك تصححي صورته المهزوزة عن الحب. أنتِ مش اختبار. أنتِ إنسانة تستحق تُحب بثقة، مش تُراقب بشك