@ashinnanda.woitha: ဆည်းကပ်ထိုက်တဲ့ ပုဂ္ဂိုလ် နှင့် မဆည်းကပ်ထိုက်တဲ့ ပုဂ္ဂိုလ်" ၁။ အကြင်နာသာရှိပြီး ပညာမရှိတဲ့ပုဂ္ဂိုလ် ( မဆည်းကပ်ထိုက်ဘူး ) ၂။ ပညာတော့ရှိပေမယ့် အကြင်နာမရှိတဲ့ပုဂ္ဂိုလ် ( မဆည်းကပ်ထိုက်ဘူး ) ၃။ ပညာရော အကြင်နာပါ ၂မျိုးလုံးရှိတဲ့ပုဂ္ဂိုလ် ( ဆည်းကပ်ထိုက်တယ် ) မြတ်စွာဘုရား ဟောထားတာ ရှင်းရှင်းလေး.... သီလ ဘက်ကကြည့်လည်း ကိုယ့်ထက် အောက်တန်းကျတယ် ။ ကိုယ်ကမှ ၅ပါးသီလလုံသေးတယ် သူကမလုံဘူး ။ ကိုယ်ကမှ ဥပုသ်စောင့်သေးတယ် ။ သူကတစ်ခါမှမစောင့်ဘူး။ ဟော စိတ်ဓာတ်တည်ငြိမ်မှု ကြည့်လိုက်ရင်လည်း ကိုယ့်ထက် အောက်တန်းကျနေတယ် ။ အသိပညာဘက် ကြည့်လိုက်ရင်လည်း ထင်ရာတွေသာ စွတ်ပြောနေတယ် ။ ကိုယ်သိသလောက်တောင် သူမသိဘူးဆိုလို့ရှိရင် ကိုယ့်ထက် အောက်တန်းကျနေတာ.. အဲ့ဒီပုဂ္ဂိုလ်မျိုးကို လုံးဝမဆည်းကပ်ပါနဲ့တဲ့.. ။ ကိုးကွယ် ဆည်းကပ်လို့ရှိရင် ကိုယ်လည်း နိမ့်ကျသွားတယ်တဲ့ ဒီလိုပြောတာနော်.. ။ လုံးဝ မဆည်းကပ်နဲ့ဆိုတာ မပေါင်းရဘူးလို့ ပြောတာမဟုတ်ဘူး ။ အကြင်နာထားပြီး သူ့ကိုကောင်းစားစေချင်တဲ့ ကရုဏာနဲ့တော့ တွဲလို့ရပါတယ်။ သနားလို့ကလွဲပြီးတော့ ဆည်းကပ်ခြင်းတော့ မလုပ်ပါနဲ့တဲ့.. ။ နောက်တစ်ခု .... ကိုယ်နဲ့ သီလ သမာဓိ အသိပညာက သူမသာ ကိုယ်မသာ အရည်အချင်း တန်းတူရည်တူရှိတဲ့ ပုဂ္ဂိုလ်မျိုးကို ဘုရားက ဆည်းကပ်ပါ ပေါင်းပါတဲ့.. ကိုယ်နဲ့ ကိုယ်ကျင့်သီလ တူတဲ့အတွက်ကြောင့် တရားအကြောင်း သီလအကြောင်း သူသိတာကိုယ်သိတာ ဆွေးနွေးဖလှယ်လို့ရတယ် ။ ကောင်းတဲ့ အလုပ်လေးတွေ တိုင်ပင်ဖော်တိုင်ပင်ဖက် ဖြစ်လာတယ် ။ ဘုရားသွားကျောင်းသွား ဥပုသ်စောင့် စသဖြင့်ပေါ့..။ ဝါသနာတူနေတော့ ပေါင်းရ သင်းရ ပြောရဆို အဆင်ပြေတယ်ပေါ့.. ။ တစ်ယောက်က တရားအကြောင်းပြောချင်တယ် ။ တစ်ယောက်က ဇာတ်ကားအကြောင်းပြောချင်နေရင် အဲဒီစကားဝိုင်းက အဆင်မပြေတော့ဘူးလေ... ကိုယ်နဲ့ အရည်အချင်းတူတဲ့ ပုဂ္ဂိုလ်မျိုးကို ဆည်းကပ်မယ် ။ ဆရာတင်မယ် ပေါင်းသင်းမယ်ဆိုလို့ရှိရင် ဘယ်တော့မှ အောက်တန်းမကျဘူး ။ ဆုတ်ယုတ်မသွားပါဘူးတဲ့.. ။ သို့သော် တိုးတက်လာဖို့ဆိုတာ မဖြစ်ဘူး။ တစ်ဖက်သားရဲ့ အရည်အချင်းကလည်း ဒီလောက်ပဲရှိတာလေ။ ဒါကြောင့်မို့ မတိုးတက်နိုင်ဘူး.. ။ နောက်တစ်ခု ..... ကိုယ့်ထက် သီလ သမာဓိ ပညာ အတွေးအခေါ် အရည်အချင်း သာတဲ့သူကို ဆည်းကပ်ပါ ပေါင်းသင်းပါ ကိုးကွယ်ပါတဲ့.. မြတ်စွာဘုရားရဲ့အလိုအရ ကိုယ့်ထက်သာတယ် မသာတယ်ဆိုတာက စီးပွားဥစ္စာ သာတာ မသာတာ လူ့အဆင့်အတန်း သာတာ မသာတာ လူမှုရေး သာတာ မသာတာ ရာထူး ကြီးတာ မကြီးတာ ဒါတွေက အရေးမဟုတ်ဘူး... ဘာကိုကြည့်ရမလဲ? ကိုယ်ကျင့်တရား ကောင်းမွန်မှု စိတ်ဓာတ်မြင့်မားမှု တည်ငြိမ်မှု အသိပညာအတွေးအခေါ် ကိုယ့်ထက်သာတဲ့ အဲဒီပုဂ္ဂိုလ်မျိုး.. သူ့ကို ဆည်းကပ်ကိုးကွယ်ပေါင်းသင်းရင် ဘာအကျိုးရမလဲ? ဘာဖြစ်မလဲ? အေး သူ့ကို အမှီလိုက်ပြီးတော့ ကျင့်တယ်... သူက ၅ပါးသီလလုံတယ် မပျက်ဘူး တရားနာတယ် တရားကျင့်တယ် ဆိုတော့ အေး ငါတော့သူလိုမလုပ်နိုင်ဘူး ။ လိုက်လုပ်မယ် သူလိုဖြစ်အောင်လုပ်မယ်.. ဟော အဲသလို ကိုယ့်မှာမပြည့်သေးတဲ့သီလ သူနဲ့ပေါင်းသည့်အတွက်ကြောင့် ကိုယ့်ကျင့်သီလတွေ တိုးလာတယ်... အရင်က တရားမနာတာ သူနဲ့ပေါင်းတော့ နာဖြစ်လာတယ်။ အရင်က ဥပုသ်မစောင့်ဖြစ်တာ သူနဲ့ပေါင်းတော့ စောင့်ဖြစ်လာတယ် စသဖြင့်ပေါ့.. ကောင်းတဲ့ လူနဲ့ပေါင်းလို့ရှိရင် ကောင်းတဲ့အလုပ်တွေ လုပ်ဖြစ်လာတာပဲ.. ပိုပြီးတော့ တိုးတက်လာတာပဲ.. ပညာဉာဏ်တွေ တိုးပွားလာတယ် ။ ဓမ္မနဲ့ပတ်သက်တဲ့ အသိတွေ ဘဝနဲ့ပတ်သက်တဲ့ အသိတွေလည်း အရင်ကနဲ့မတူပဲ တိုးတက်ကြီးပွားလာသည့် အတွက်ကြောင့် ဘယ်ဟာက အပြစ်ရှိ/မရှိ ဘယ်လိုနေရမယ် ဘယ်လိုထိုင်ရမယ် ဆိုတာကို ရှင်းရှင်းလင်းလင်းကြီး သိလာတယ်။ ကိုယ့်ဘဝခရီး လျှောက်လှမ်းတဲ့အခါမှာ ရှင်းရှင်းကြီး ကိုယ့်လမ်းကို ကိုယ်ရွေးနိုင်တဲ့ အဆင့်ကို ရောက်လာတယ် ဒီလိုဆိုတာပေါ့နော်.. #ပါချုပ်ဆရာတော်ဘုရားကြီး၏အဆုံးအမ #ပြန်လည်မျှဝေပေးခြင်းပါ #မူရင်းစာရေးသူအားcrdပေးပါတယ်ဗျ