@millardayo_: Wanafunzi wanane waliohitimu Kidato cha Nne katika Shule ya Sekondari Aboud Jumbe iliyopo Kata ya Mji Mwema Wilayani Kigamboni Jijini Dar es salaam wamewaomba radhi Wazazi, Walezi, Walimu, Wadau wa Elimu, Viongozi na Watanzania kufuatia picha mjongeo iliyosambaa mitandaoni ikiwaonesha wakitoa lugha zisizofaa. Wanafunzi hao wameomba msamaha huo leo mbele ya Mkuu wa Wilaya ya Kigamboni, Dalmia Mikaya ambaye ameitisha kikao katika ofisi za Halmashauri ya Wilaya ya Kigamboni kikiwahusisha Wanafunzi hao, Wazazi/Walezi na Maafisa mbalimbali wa Serikali. Wanafunzi hao wamesema ni shetani tu aliwapitia na furaha ya kuhitimu masomo iliwazidi hadi kujikuta wanafanya matendo yasiyofaa na wameahidi hawatorudia tena. Kwa upande wake Mikaya amewasihi Wazazi, Walezi na Walimu kuungana pamoja katika kuhakikisha wanafuatilia mienendo ya Watoto wawapo shule na majumbani ili kudhibiti vitendo vya hovyo huku akiwapiga marufuku Wanafunzi hao kutorudia kufanya mambo kama hayo na kwamba wamesamehewa na hawatapewa adhabu yoyote. #MillardAyoUPDATES

millardayo

Open In TikTok:

Region: TZ

Tuesday 27 October 2026 07:20:46 GMT